చంద్రన్న చిత్ర విచిత్ర విలక్షణ విన్యాసాలు

చంద్రన్న చిత్ర విచిత్ర విలక్షణ విన్యాసాలు

1.       ఎవరికన్నా చేనులో చెరువు మట్టి కావాలంటే చాలా డిమాండ్. ఎక్కువ డబ్బులు చెల్లించి మరీ కొంటారు. అటువంటి బంగారం లాంటి మట్టిని "నీరు- చెట్టు" కార్యక్రమము లో  పూడిక తీసే పేరుతో  కొన్నివేల  కోట్లు చెల్లించినట్టు చూపించి, మట్టి మరియు డబ్బు అపారంగా దోచుకుని దాచుకున్న మీరు సృష్టిఇంచిన వ్యవస్తపై మాకెందుకుండాలి భరోసా? 

2.     2006 అటవీహక్కుల చట్టంలో గణనీయమైన మార్పులు తెచ్చేటందుకు కృషిచేసి, సాధించి, రాష్ట్రములో గిరిజనులు సాగు చేసుకుంటున్న షుమారుగా 8 లక్షల ఎకరాలు పోడు భూములకు శాశ్వత పట్టాలు కల్పించిన వైస్సార్ గారిని ఆదర్శముగా తీసుకోవాల్సిందిపోయి, తమ 5 సంవత్సరాల పాలనలో  సెంటు పోడు భూమికి కూడా పట్టా ఇవ్వని తమ పాలనాదక్షతకు తప్పనిసరిగా గిరిపుత్రులు తమకు చరమ గీతం పాడాలిసిందే. 

3.       ప్రభుత్వ ఆస్పత్రులలో పరిశుభ్రత బాగా లేదు, ఎలుకల బెడద వుంది అని పొరపాటున అన్న పాపానికి, కర్నూల్ ప్రభుత్వ హాస్పత్రిలో  ఒక్కొక  ఎలుకను పట్టుకొనటానికి 20000 వేలు ఖర్చు చేసి, ఇటువంటి అతిచిన్న కార్యక్రమాల ద్వారాకూడ కోట్ల రూపాయలు దండుకోవచ్చు అని మార్గదర్శకం చూపించి, ఎలుకలకు కూడా మార్కెటింగ్ వ్యవస్టను ఏర్పర్చి   ప్రపంచానికే పాఠాలు  నేర్పిన  మీ అతితెలివిని తప్పకుండా గుర్తించి మీకు నోబెల్ ప్రైజ్ ఇవ్వాలిసిందే. 

4.       మూడు అంతస్థుల భవనాలకు కూడా చదరపు అడుగు కు 12500 రూపాయలు  పైచిలుకు  ఖర్చు చేయవచ్చని చెప్పి, చేసి చూపించి  నిర్మాణ రంగానికే  కొత్త పాటాలు నేర్పిన మీ జానతనానికి అభివందనాలు.  పైగా దీనిని ఒక చారిత్రాత్మక అవసరంగా చిత్రించి, ఆంధ్రుల ఆత్మగౌరవానికి నిదర్శనము అని మెప్పింప చేసే ప్రయత్నము చేసిన మీమీద ఎందుకు ఉంచాలి భరోసా?

5.     పోయిన సంవత్సరం ఏరువాక కార్యక్రమములో శ్రీకాకుళం జిల్లాలో తమరు పొడి దుక్కిలో వరి నాటు వేసి, రాష్ట్రప్రజలకు నూతన వరినాట్ల విధానం నేర్పిన తీరుకు రాష్ట్రములోని వ్యవసాయ శాస్త్రవేత్తలు, రైతు సోదరులు దిమ్మతిరిగి సొమ్మసిల్లి మూర్చపోయే పరిస్థితి ఏర్పడింది. మీరు తానా అంటే తందానా అంటూ బృందగానం చేసే భజనపరులు, ఇలాంటి వాటిని కెమెరాలో బంధించి నిసిగ్గుగా ప్రచారంచేసే బాకా బృందాలు, భజనను భక్తిగా భావించి తరించే మీలాంటి పాలకులు, తుగ్లక్ పాలనను ఈతరం వారికి అందించారు అంటే అతిశయోక్తి కాదు. మీ పాలనలో వర్షాలు పడవు, ఎప్పుడూ కరువు వస్తుంది అని రైతులు అంటుంటే అతిశయోక్తి అనుకొనేవాళ్ళము. కానీ ఇలాంటి తిక్క వేసాలు వేస్తూ, రైతులను వెర్రి వెంగళప్పలుగా భావిస్తూ, ఒకప్రక్క వ్యవసాయం దండుగ అంటూనే, కేవలం అధికారాన్ని చేచిక్కిచుకోవటం   కోసం రైతులపై కపట ప్రేమ ఒలకపోసే మీ పాలనలో కరువు రాక ఏమి వస్తుంది. మీరు చేసే ఇలాంటి వికృత విన్యాసాలను భరిస్తూ,భారంగా బ్రతుకు ఈడుస్తున్న రైతన్నలు మీ మీద ఎందుకుంచాలి భరోసా. 

6.     ప్రజలు నవ్వుకుంటున్నారు అనికూడా లేకుండా నా రాష్ట్రంలో ఒక్క దోమ కూడా ఉండటానికి వీలులేదు, నేను దోమలపై యుద్ధం ప్రకటించాను అని గాలి మాటలు చెప్పి " దోమలపై దండయాత్ర" అనే కార్యక్రమానికి తెరదించి, తమరు దుబారా చేసిన డబ్బుతో  దోమలు  తగాల్సిందిపోయి  పెరిగిన తరుణం లో  రాష్ట్రాన్ని దోమాంధ్రప్రదేశ్ గా మార్చి,పెద్దగా  ఎవరి కన్నుపడని ఇటువంటి ప్రోగ్రాం ద్వారా కూడా దోమలు  పెరిగినట్లు నోట్లకట్టలు పెంచుకోవచ్చు అనుకొనే  వ్యవస్థను సృష్టించి , పెంచిపోషించిన మీ మీద మాకెందుకుండాలి భరోసా?

7.     2014 ఏలక్షన్స్ లో  ఎటువంటి షరతులు లేని రుణమాఫీ అని ఊదరకొట్టి , రైతులను మభ్యపరచి  మోసపూరితముగా అధికారము చేజిక్కుంచుకోని 80000 కోట్ల  పైచిలుకు ఉన్న రైతు రుణాలను అనేక కారణాలు చూపించి 24000 కోట్లకు తగ్గించి  అదికూడా పూర్తిగా చెల్లించకుండా రుణమాఫీకే  కొత్త భాష్యాలు చెప్పి రైతు సోదరులను నిట్టనిలువవుగా ముంచిన మీమీద ఎందుకుంచాలి భరోసా ?

8.     గోదావరి నదిపై రెండు మోటార్లు పెట్టి, వైస్సార్ గారు త్రవ్వించిన   పోలవరం కుడికాలువలో నీటిని లిఫ్ట్ ద్వారా పంపింగ్ చేసి , నేను అపర భగీరదుడుని, ప్రపంచములోనే నదుల అనుసంధానO చేచి చూపించిన మొదటి వ్యక్తిగా వూదరకొట్టి  రాష్ట్ర ముఖ్యమంత్రి స్థానాన్ని నవ్వులపాలు చేసిన మీమీద  మేమెందుకుంచాలి భరోసా? 

9.       ఒక ప్రక్క రాష్ట్రము కరువుతో అల్లాడిపోతున్నా, వ్యవసాయరంగ వృద్ధి రేట్ రెండంకెలపైనే వుంది, దేశంలోనే ఆగ్రస్థానం లో వుంది  అని బీరాలు పల్కి, కేంద్ర సాయానికి నోచుకోని పరిస్థితులు కల్పించిన మీ అపార మేధావితనానికి తప్పనిసరిగా మీమీద భరోసా వుంచి  ఇంత కాలం భరించిన రాష్ట్ర రైతుల సహనానికి జోహర్లు .

10.  రైతు రధం పథకాన్ని రైతులపాలిటి గుదిబండగా మార్చి , సబ్సిడీ అనే మాయలో ట్రాక్టర్ రేట్ ను భారీగా పెంచి అతి భారీ కుంభకోణానికి తెర తీసి రైతుల పై రుణభారం మోపి , వారి నడ్డి పూర్తిగా విరిసిన మీమీద మాకెందుకు ఉండాలి భరోసా ?     

11.   ఉచిత ఇసుక పేరుతో ప్రభుత్వ పెద్దల చేతికి మట్టి అంటకుండా, అధికారులను పూర్తిగా భాద్యులనుచేస్తూ,  వేల కోట్లు కొల్లగొట్ట వచ్చు అని నిరూపించి, 10000 వేల కోట్లు పైగా మీ పార్టీ నాయకులూ, MLAలకు అప్పనంగా దోసిపెట్టి ఇసుక నుండి తైలంబు తీయవచ్చు అను నానుడిని నిజం చేసిన మీ అపార అపవిత్ర అనుభవంపై మాకెందుకుండాలి భరోసా. 

12.  అధికారులను ఘోరంగా  అవమానించి ,అనధికార  పచ్చనేతల చేతిలో కీలుబొమ్మలుగా మార్ఛి, ఆంధ్ర రాష్ట్రాన్ని కుక్కలు చింపిన ఇస్తరిలా చేసిన మీ నేర్పరి తనం పై మాకు చాలా భరోసా. 

13.  నేత కార్మికుల అభివృద్ధి పేరుతో బోగస్ సంఘాలు సృష్టించి నేత వస్త్రాల బదులు మర మగ్గాల వస్త్రాలు కొనుగోలుచేసి, 3 రేట్లు ఎక్కువ ధర తీసుకొని మరియు నేత కార్మికులపేరుతో వచ్చిన సబ్సిడీస్ దిగమింగి నేతకార్మికుల ఆత్మహత్యలకు కారకులైన వ్యవస్థలను సృష్టించి, పెంచి పోచించిన మీపై ఎందుకుండాలి భరోసా ? 

14.  వైస్సార్ గారి హయాంలో సామాజిక, ఆర్థిక , వ్యాపార రంగాలలో గణనీయమైన ప్రగతి సాధించిన మహిళా సంఘాలను తమ రాజకీయ అవసరాలకోసం బిర్యానీ ప్యాకెట్లు ఇచ్చి బస్సులలో తోలించే స్థితికి దిగజార్చి , ఎలక్షన్స్ ముంచుకొస్తున్న తరుణంలో మొసలి కన్నీరు కార్చి ఎక్కడ లేని ప్రేమ వొలకపోసి , 5 సంవత్సరాలలో ఏమిచేయకుండా ఇప్పుడు పసుపు-కుంకుమ లాంటి పథకాలతో మభ్యపెడుతున్న మీమీద ఆంధ్ర రాష్ట్ర మహిళా శిరోమణులకు ఎందుకుండాలి భరోసా? 

15.  అరిగిపోయిన గ్రామఫోన్ రికార్డులా, వైస్సార్సీపీ  వాళ్లు అమరావతిలో తోటలు తగలపెట్టారు, తునిలో రైలు తగలపెట్టారు, అసెంబ్లీ బిల్డింగులో పైపులు కోసి వర్షపునీరు లీకులు అయ్యేటట్టు చేశారు అనే అనేక  పిచ్చిప్రేలాపనలు 5 సంవత్సరాలుగా చేస్తూ, అధికారయంత్రాగం, పోలీస్ వ్యవస్థ, రియల్ టైం గవర్నెన్స్  అన్ని మీ కనుసన్నల్లో  పనిచేస్తున్నా ఒక్కటంటే ఒక్క ఆరోపణ కూడా నిరూపించలేక పోయినా,  ఇంకా వాటినే పట్టుకొని " కుక్క తోక పట్టుకొని గోదావరి ఈదిన చందంగా" ప్రజలను మభ్యపెట్టవచ్చు అనుకొనే మీ అతితెలివికి మేము సంబరపడాలా?   

16.   ఓటుకి నోట్ కేసులో పీకలదాకా కూరుకుపోయి రాత్రికి రాత్రి తట్ట బుట్ట సర్దుకొని, విభజన చట్టంలో రాష్ట్రానికి రావలసిన వాటాలగురించి కనీసం మాట్లాడకుండా 5 కోట్ల ప్రజల సంక్షేమాన్ని , రాజకీయప్రయోజనాలకోసం తాకట్టు పెట్టి   హైదరాబాద్ నుండి అమరావతి కరకట్టకు ఎవరికి తిలియకుండా పారిపోయి, పైగా అది ఏంతో చారిత్రాత్మక అవసరము, ఆంధ్రుల ఆత్మగౌరవానికి సంబందించిన విషయంగా  ఎస్  బాస్  మీడియా లో బాకా ఊదించి రాష్ట్రాన్ని అనవసర ఆప్పులపాలు చేసి , 4 సంవత్సరాల తరువాత ఎలక్షన్స్ ముంచుకొస్తున్న తరుణములో ప్రజలపై కపట ప్రేమ నటించి రాష్ట్రానికి తీవ్ర అన్యాయం జరిగింది,  లక్ష కోట్ల పైగా తెలంగాణ మనకి బాకీ వుంది అన్న విషయము ఇప్పుడే గుర్తుకువచ్చినట్లుగా నటించి  కల్లబొల్లి కబుర్లతో మరో సరికొత్త నాటకానికి తెర దించిన మీ దుర్బద్దిఫై ప్రజలకు ఎందుకుండాలి భరోసా ?  

17.  నేను సంపద సృష్టించాను, సంపద పెంచాను, సంపదను పేదవారికి పంచాను అని తమరు "పాడిందే పాటరా పాసిపళ్ళ దాసరి" చందంగా ఊకదంపుడు ఉపన్యాసాలు వినిపిస్తుంటే, పొరపాటున అది నిజమేనా అని విచారిస్తే బయటపడిన వాస్తవాలు తమ విజ్ఞతకు నిలువెత్తు నిదర్శనాలు. రాష్ట్ర అప్పులు 1 లక్ష కోట్లనుంచి 3.5  లక్షల కోట్లకు పెంచి , అప్పుల శాతం రాష్ట్ర GSDP లో 35% కుమించి, రాష్ట్రము కుదువబెట్టె లిమిట్స్ 100% పైన వెళ్ళే పరిస్థితులు కల్పించి రాష్ట్రాన్ని కోలుకోలేని అప్పుల ఊబిలోకి నెట్టి , దానిని కూడా సంపద  సృష్టించటం, సంపద పెంచటం అనటం మీకే చెల్లు. అప్పుచేసి పప్పుకూడు తినే వ్యవస్థను నిర్మించి  మీ టెక్నాలజీ పార్టనర్స్ ద్వారా ప్రజలకు మసి పూసి మభ్యపరిచి, అప్పు మాకు పప్పు మీకు అనే చందంగా  రాష్ట్రాన్ని నిలువు దోపిడీ చేసిన  మీకు VOTE ద్వారా బుద్ధి చెప్పి విశ్రాంతి కల్పించాలిసిందే.

18.   మీరు సంపద సృష్టిస్తున్నాను సంపద పెంచుతున్నాను, పంచుతున్నాను  అని  5 సంవత్సరాలుగా దొరికిన ప్రతి వేదికపై మాట్లాడు   తుంటే, తమ పుత్రరత్నం సంపద నుండి చెత్త సృష్టిస్తాను అని ఉత్తరకుమార ప్రగల్బాలు పలుకుతూ  ,  మీరు సృష్టించిన  సంపద నుండి ఇప్పటివరకు ఎంత మాత్రం చెత్త తమ ముద్దుల తనయుడు సృష్టించాడో అర్థం కాక, ఈ సంపద  నుండి  చెత్త గోల ఏంటిరా బాబు అని ప్రజలు జుట్టు  పీక్కునేటట్టు చేసిన మాయదారి ఘనత మీదే.

19.  అవినీతికి మా ఇంటి చిరునామా తెలియదు, అవినీతిపరులు సొంత వారైనా ఉక్కు పాదం మోపుతాను , ఎంతటివారైనా వదలిపెట్టేదిలేదు  అని మీరు చాలా గొప్పగా  చెప్పుతూవుంటారు. కానీ వాస్తవంగా,  వేలకోట్ల ఇసుక, మట్టి దోసుకుని, చివరకు తోపుడు బండ్ల వారిని కూడా వదలని వారిని, అణగారిన వర్గాలను ఘోరంగా అవమానించిన  కమ్మని పలుకులు పలికే తమ అనుకూలవర్గాల సిట్టింగ్ MLA లకు మరలా SEATS బంగారుపళ్లెంలో పెట్టిఇచ్ఛారు.  అదే సమయంలో తమనే ఆదర్శంగా తీసుకొని, తమలాగా  దైర్యం  లేక దొరికినంత చిల్లర ఏరుకొన్న మైనారిటీస్, SC , ST బడుగు బలహీన వర్గాలకు చెందిన మీ పార్టీకి చెందిన సిట్టింగ్ MLA లను  అతి పెద్ద అవినీతిపరులుగా ముద్రవేసి , దారుణంగా అవమానించి టికెట్స్ నిరాకరించిన మీ ఔదార్యానికి  ప్రజలు, ముఖ్యంగా బడుగు బలహీన వర్గాలు మీమీద ఎలా ఉంచాలి  భరోసా.

20.  గూగుల్ సెర్చ్  ఇంజన్లో కొన్ని పదాలు సెలెక్టివ్ గా వాడి  మరియు డబ్బు విచ్చలవిడిగా వెదజల్లి, జగన్ గారిని ఒక ఆర్థిక నేరస్థుడిగా చిత్రీకరించే ప్రయత్నం చేసి,వాటిని సోషల్ మీడియా సైట్స్ లో వాడుతున్న విధానం గమనించిన  యువకులు ముఖ్యంగా ఐటీ ఉద్యోగులు మీ క్రిమినల్ మనస్తత్వం అర్థం చేసికొని చీకొడుతున్నారు. ఐటీ  పదాన్ని నేనే కనిపెట్టాను, ఐటీ ని హైదరాబాదుకు నేనే తెచ్చాను, అసలు హైదరాబాద్  నేనే కనిపెట్టాను, ప్రపంచానికే  పాటాలు చెప్పాను, టెక్నాలజీ నాకు బానిస అంటూ పిచ్చి ప్రేలాపనలు చేసే మీరు ఇలాంటి చిల్లర, తప్పుడు పనులు తప్ప ఇంకేమి చేయగలరు . ఓటుకి కి నోటు కేసులో టెక్నాలజీకి అడ్డంగా దొరికిపోయి అన్నిదారులూ మూసుకున్న తరుణంలో ఢిల్లీ పెద్దలకు, పక్క రాష్ట్రం పెద్దలకు రాష్ట్ర ప్రయోజనాలు తాకట్టు పెట్టి, గులాంగిరి చేస్తున్న మీరు, టెక్నాలజీ గురించి నీచంగా తప్పితే ఎలా ఆలోచించగలరు. ఇలాంటి చౌకబారు ఆలోచనా విధానం వున్న మీపై యువతకి  ఎలా ఉంటుంది భరోసా?

21.  దివంగత నేత వివేకానంద రెడ్డి  గారి కుమార్తె  డాక్టర్ సునీత గారు ,  తన  తండ్రి మరణముపై మీరూ , మీ కుమారుడు, మీ వందిమాగతులు  సభ్య సమాజం తలదించుకునే విధంగా  చేస్తున్న ప్రచారానికి మరింత దుఖ్హానికి గురై తప్పనిసరి పరిస్థితులలో మీడియా ముందుకు రావలసి వచ్చింది. ఆమె YS  కుటుంబమూలాలు, కుటుంబంలో వున్న భిన్నత్వంలో ఏకత్వం, ప్రేమ, ఆప్యాయతలు, కుటుంబ విలువల గురించి విపులంగా వివరించి అవి మీలో  ఏ కోశానా లేవని చెప్పకనే చెప్పారు. సునీత గారు విచారణ పారదర్శకంగా జరగనివ్వండి, దోషులెవరో  తప్పక తెలుసుతుంది , కానీ విచారణ సంస్థలపై  అధికారం చెలాయించే వారు, విచారణ దిశ మార్చే విధంగా మాట్లాడడం, తీర్పులు చెప్పటం ఏమిటి అని సున్నితముగా ప్రశ్నించి మీ  పేరు ఉచ్చరించకుండా , మీరు తల ఎక్కడ పెట్టుకోవాలో తెలియని పరిస్థితి కల్పించారు. ఇప్పటికైనా తప్పు తెలుసుకొని , తప్పుడు కూతలు మానుకొని మానవత్వానికి మచ్చ తేకుండా చూచుకోండి.

22.  ఇన్ఫర్మేషన్ టెక్నాలజీని చక్కగా వాడుకొని ఇరిగేషన్ శాఖ ప్రాజెక్టు ఎస్టిమేట్లు, భూఆధారిత విషయాలు, అనేక విషయాలలో ఖర్చు తగ్గించుకొని, ఆదాయవనరులు పెంచుకొని రాష్ట్రాన్ని ప్రగతిపధంలో నడిపించవచ్చు. కానీ మీరు టెక్నాలజీని భూములు ఎలా కొట్టేయాలో, గుత్తేదారులనుండి ఎక్కువమొత్తంలో  కమిషన్లు  ఎలా సంపాదించాలో, సహజ వనరులు ఎలా దోసుకోవాలో, ప్రాజెక్టుల రేట్లు ఎలా పెంచి పంచుకోవాలో అనే పచ్చ కార్యక్రమాలకు పచ్చిగా వాడుకొని టెక్నాలజీని నవ్వులపాలు చేసి , రాష్ట్రాన్ని అప్పులపాలు చేసి నడిరోడ్డు మీద పడేసారు. రియల్ టైం గవర్నెన్స్ పేరుతో అల్ టైం రికార్డు లూటింగ్ చేసి టెక్నాలజీనే సిగ్గు పడేలా చేశారు. తిమింగల కార్యక్రమాలను తెర వెనుక  దాసి, వీది  దీపం వెలిగించాను, ఎలుకలు పట్టాను, దోమలు చంపాను అంటూ , ఆసియా లోనే అతిపెద్ద రియల్ టైం కంట్రోల్ రూమ్ లో అతిగొప్పగా చిత్రీకరించి శాలువాలు , తిరుమల లడ్డులతో ఘనంగా సన్మానించి, విపరీతముగా పొగిడి, పొగిడించుకొని వాస్తవాలకు అతి దూరంగా రాష్ట్రాన్ని తీసుకెళ్లి భావితరాల భవిష్యతును అంధకారంలోకి నెట్టిన మిమ్మల్ని ఏ విధంగా సత్కరించాలి?

23.  మీ  పాలనలోని   విచ్చలవిడిగా జరుగుతున్న  ఇసుకదోపిడి ఫలితంగా, రైతులపొలాలు కృష్ణా నదిలో విరిగిపోయే పరిస్థితులు గమనించి తోటి రైతు ఒకరు , స్థానిక నాయకులు ఎవ్వరూ సహరించకున్నా, పైపెచ్చు  బెదిరింపులకు గురిచేసినా, వెనకడుగు వేయకుండా ముందుకువెళ్లి  అధికారులతో యుద్ధముచేసి క్రిష్ణా జిల్లా తోట్లవల్లూరు మండలంలో రెండు, గుంటూరు జిల్లా కొల్లిపర మండలంలో మూడు అక్రమ ఇసుక క్వారీలు ఆపించ గలిగారు. ఒక ఉన్నతాధికారి ఆ రైతుతో మీరంటే  MLA గారికి చాలా గౌరవం, మీ గురించి మంచిగా చెప్పుతారు అంటూ చిలపలుకులు పలుకుతూ , మీరు ఇసుక విషయంలో MLA  గారితో  సర్థుకుపోండి అనే స్థాయికి వ్యవస్థ దిగజారిందంటే, పారదర్శకత పేరుతో మీరు నడిపిస్తున్నది   అసమర్థ అవినీతి పాలన కాదా? మీకు ఉచిత ఇసుక విధానము, దాని మూసుగులో జరుగుచున్న దందాలు  పూచ గ్రుచ్చినట్టు వివరిస్తూ , ఆ రైతు  7 పేజీల సుదీర్ఘ ఉత్తరం రాసి అనేక సాధనాల ద్వారా మీకు అందేటట్లు చేసారు. అది మీ సీఎం డాష్ బోర్డు, గుడ్ గవర్నెన్స్ పరిశీలన కు నోచుకోలేదంటే, మిమ్మల్ని , మీరు ఇసుక దొంగలను కఠినంగా శిక్షించాలి  అని మీరుపలికే పలుకులను ఎలా నమ్మాలి.

24.   ప్రచారానికి పోలవరమే కావాలా?

 10150 కోట్ల  బడ్జెట్లో 5135  కోట్లు ఖర్చు చేసి 44 శాతం పనులను ఎటువంటి వ్యయ పెరుదల లేకుండా , హంగు ఆర్భాటాలు లేకుండా పూర్తిచేసి పోలవరానికి దశ, నిర్దేశాలు నిర్ణయించిన మహా నేత వైస్సార్.  ప్రాజెక్ట్ బడ్జెట్ 10150 కోట్లనుండి 55385 కోట్లకు అంటే రమారమి 5 రేట్లు పెంచి, నిపుణులకే దిమ్మతిరిగేలా చేసిన చంద్రన్నకు  ఎవరు  సాటి.  11069 కోట్లు ఖర్చుతో  కేవలము 20 శాతం పనులు పూర్తి చేసి, భారీగా దోచుకుని, వ్యయపెరుగుదల చూపించి ఇంకా దోసుకోవడానికి మార్గాలు సులభం వేసుకొన్న  మిమ్మల్ని ఎలా సంభోదించాలి. వైస్సార్ గారు పూర్తిచేసిన 44 శాతం పనులను కలుపుకొని, 64 శాతం పనులు నేనే చేశాను అని నిసిగ్గుగా చెప్పుకోవడం, పచ్చ మీడియాలో  గానా బజానా చేయించుకోవడం మీకు వెన్నతో పెట్టిన విద్య. వ్యవసాయం దండుగ, రైతులంటే చులకన భావాలున్న మీకు, నిజంగా పోలవరంపై చిత్తశుద్ధి ఉందా?  పొలవారం, వర్చ్యువల్ రివ్యూస్, గిన్నిస్ రికార్డులు, ప్రజా సందర్శనలు అంటూ విరివిగా ఖర్చుపెంచి దోచుకోవడానికే పోలవరం అన్న రీతిలో వ్యవహరించిన మీరు అపర భగీరధులా ? అబ్బే ఊరుకోండి, ఎవరైనా నవ్వి పోగలరు.

25. బడుగు వర్గాల గృహాలకు చ. అడుగుకు 2700 రూపాయలు, (భూమి, మౌలిక వసతులకు కాకుండా) ఖర్చుపెట్టారంటే వారికి ఏమన్నా తాజ్ మహల్ లాంటి ఇల్లు కట్టిస్తున్నారేమో అనుకున్నాం. కానీ అవి సాధారణ గృహాలు, పొరుగు రాష్ట్రాలవాళ్ళు  దీనిలో సగంకూడా ఖర్చుపెట్టలేదు అని తెలుసుకొని, అమ్మో ఇంత స్థాయిలో కుమ్మేసారా అనుకోని వారు లేరు. గృహ మంత్రిగారు పోటీచేస్తున్న నెల్లూరు పట్నంలో నోట్లకట్టలు డ్రైనేజీలా పొంగి , ఓటుకి 10000 రూపాయలు లెక్కన ఇంటింటికీ చేరుతున్నాయంటే,  అవినీతిలో అగ్రపీఠం మీది కాక ఇంకెవరిది? 

26.  బీదవర్గాలవారికి చేరవలసిన పథకాలనీ కుల,మత, వర్గ, జాతి, రాజకీయభేదాలులేకుండా అందరికి చేరాలి, అందరిని సంతృప్తులను చేయాలి అనే ఏకైక లక్ష్యంతో వైస్సార్ గారు నిరంతరం కృషి చేసి , చాలా వరకు సాధించి వారి గుండె లోతుల్లో శాశ్వతంగా గూడు సంపాదించుకున్నారు.    అందుకే ఆయనను పార్టీలకతీతంగా ఆజాత శత్రువు అని పిలుస్తారు. మీరు అధికారంలోకి వచ్చిన తర్వాత సంక్షేమ  పధకాలను పచ్చ పార్టీ కార్యక్రమాలుగా చేసి , అధికార యంత్రాగాన్నిఉత్సవ విగ్రహాలుగా మార్చి , జన్మభూమి కనుసన్నల్లో సంక్షేమానికి సంకెళ్లు వేసి తమ పబ్బం గడుపుకున్నారనటం అతిశయోక్తి కాదు. అటకెక్కిన అభివృద్ధి, సంక్షేమ పథకాలను అందరిని సంతృప్తులను చేసే విధంగా మార్చి గ్రామ సచివాలయాల ద్వారా పారదర్శకంగా అమలుచేసి ప్రతి పేదవారి  గుండెలో నాన్నగారి లాగ గూడు సంపాదించుకుంటాను అన్న జగన్ గారిని నమ్మాలా , సంక్షేమానికి పచ్చ రంగు పూసి, ప్రజలు అసహ్యించుకొనేటట్టు చేసిన మిమ్మల్ని నమ్మాలా బాబూ ?  ఎవరిని నమ్మాలి ?    

27 మీ పుత్రరత్నాన్ని భాషాకోవిదులుగా తీర్చిదిద్దిన పుణ్యానికి,  నారాయణ గారికి రాష్ట్ర విద్యావిధానాన్ని శాసించే అవకాశాలు కల్పించి, ఏకంగా తమ  మంత్రివర్గములో అతిముఖ్యులుగా ఎదిగేటట్లు చేసారు.ఈయన  ప్రభుత్వ రంగంలోని మాధ్యమిక విద్యావిధానాన్ని పూర్తిగా నిర్వీర్యం  చేసి తన చెప్పుచేతలలోకి తెచ్చుకున్న వ్యక్తి. విద్యార్థులను మనోవికాసం లేని మరమనసుల్లా మార్చే  విద్యావ్యవస్థను వటవృక్షంలా పెంచి పోషించి  మన రాష్ట్ర హద్దులు కూడా  దాటించిన మహానుభావుడు. విద్యావ్యవస్థని నాశనం చేయడానికి వీరొక్కరే చాలదన్నట్టు వీరి వియ్యంకులు గంటా వారిని ఏకంగా విద్యాశాఖ మంత్రిని చేసిన మీరు ఎంతటి మహనీయులో చెప్పనక్కరలేదు. ఇంకేముంది, గడసిన 5 సంవత్సరాలలో అనేక స్కూళ్ళనికూడా మూపించి ప్రాథమిక విద్యా రంగాన్ని కూడా నాశనం చేసి తమ చెప్పుచేతల్లోకి తెచ్చుకొనే  పనిలో బిజీగా వున్నారు. వైస్సార్ గారు ఫీజు రీఇంబర్సుమెంట్ పథకంతో ఉన్నత విద్యని పేదప్రజలకు ఉచితంగా అందించినా, ఇంటర్మీడియట్ విద్య మాత్రం  ఇంకా నారాయణ - చైతన్య కోరల్లో చిక్కుకొని బీదవారిని పీల్చి పిప్పిచేసి అప్పుల పాలు చేస్తుంది. ఈ జబ్బును  ప్రాథమిక విద్యకి కూడా ప్రాకించి రాజకీయ పబ్బం గడుపుకుంటున్న మీరు క్షమార్హులు కారు. పేదవారి ఉసురు మీకు తగలక మానదు.

28. కబంద హస్తాలలో బక్కచిక్కిన విద్యావ్యవస్థను సంపూర్ణంగా ప్రక్షాళన చేయాలని కంకణం కట్టుకొన్న జగన్ గారు కాలేజీ విద్యలో ఫీజు రీఇంబర్సుమెంట్ తో పాటు ఉచిత ప్రాథమిక విద్య, ఉపాధ్యాయ శిక్షణ, ఇంగ్లీష్ మీడియం స్కూళ్ళు, మోడల్ స్కూళ్ళతో పాటు , ఇంటర్మీడియట్ విద్యను ప్రాథమిక విద్యా రంగంలో భాగం చేసి బీదవారికి అందుబాటులోకి తేవాలి అనే విప్లవాత్మక నిర్ణయాలు తీసుకొని, అందరికి అందుబాటులోకి నాణ్యమైన విద్యను తీసుకు రావాలని కృతనిచ్ఛయంతో వున్నారు. వైస్సార్ గారు కలలుకన్న విద్యావిధానం నిజమయే రోజు ఎంతో  దూరం లేదు.

29.  బీద రాష్ట్రము, అప్పుల్లో ఉంది, కరకట్ట కాపురం, కట్టుబట్టలతో వచ్చాం, మెట్టినింటోళ్లు  తరిమేశారు అంటూ కోకిల రాగాలు తీస్తూ  తమ రాజకీయ ప్రయోజనాల కోసం  రాష్ట్ర ప్రజల పరువు తీయటం మీకే చెల్లు. అందినకాడికి అప్పు తెచ్చి, ఆ డబ్బుతో తాత్కాలిక సచివాలయం తాత్కాలిక హైకోర్టు ఇంకా ఇలాంటి ఇతర ప్రాజెక్టులు చేపట్టి, ఎస్టిమేట్లు నిపుణులే దిమ్మతిరిగి సొమ్మసిల్లె  రీతిలో పెంచి, విపరీతంగా  దోచుకునే వ్యవస్థను సృష్టించిన మీరు సంపద పెంచుతున్నాను అంటే ఎలా నమ్మాలి.

30. పోలవరం సందర్శన పేరుతో 400 కోట్లు,  అమరావతిలోని తమ నిర్వాకాలు ప్రజలకు చూపించడానికి అంటూ  300 కోట్లు,  తమ  కుటుంబం హైదరాబాదు హోటల్ కాపురానికి సుమారు 30 కోట్లు,  వందిమాగదులతో కలిసి ప్రపంచం పలుమార్లు చుట్టివస్తానికి  చేసిన వందల కోట్లు ఖర్చు, తమ పబ్లిసిటీ పిచ్చికి  వందల కోట్లు, ఇవ్వి చాలదన్నట్లు ధర్మపోరాట దీక్షలు, ఢిల్లీ దర్బార్ తో యుద్ధం అంటూ రాష్ట్ర ఖజానాకు కొన్ని వందల కోట్లకు కన్నం  వేసిన వైనం, రాష్ట్ర ప్రజలు గమనిస్తూనే ఉన్నారు. ఇటువంటి కనీవినీ ఎరుగని రీతిలో దుబారాకు తెరతీసిన మిమ్మల్ని ఎలా క్షమించాలి?

31. రైతు ప్రభుత్వం, రైతు సంక్ష్ఖేమం అంటూ కల్లబొల్లి కబుర్లు చెప్పి అరకొర రుణమాపీ చేసి, రుణాలు పుట్టని పరిస్థితి కల్పించి రైతులను నట్టేటా మంచిది మీరు కాదా? పోలవరం నీళ్లిస్తాం, రాయలసీమకి నీళ్లిచ్చాం, పట్టిసీమతో కృష్ణాడెల్టా కష్టాలు తీర్చాము, రైన్ గన్నులు, ఇంకుడు గుంటలతో కరువును ప్రాలదోలాం అంటూ ఉపన్యాసాలు దంచి కరువును  రైతు ఇంట్లో కాపురం చేయించిన ఘనత మీది కాదా?

32. బహుశా దేశంలో ఎవ్వరుచేయని విధంగా అధికారపార్టీ MLAలు, ఇంచార్జిలు, లబ్ధిదారులను నిర్ణయించే విధంగా GO తెచ్చి, వ్యవసాయ శాఖ సంచాలకులకుగాని, కమిషనర్ కు గాని ఒక్క ట్రాక్టర్ కుడా అర్హులైన బీదవారికి ఇచ్చే అర్హత లేని వ్యవస్థకు శ్రీకారం చుట్టి  గత 2 సంవత్సరాల్లో 25000 ట్రాక్టర్లు పూర్తిగా పచ్చ చొక్కాలవారికే ఇచ్చిన మిమ్మల్ని ఏమని వర్ణించాలి. కంబైన్డ్ హార్వెస్టర్స్ సబ్సిడీని ST, SC వారి పేరుతో  మీ పార్టీ వారు కొట్టేయడం, MSPకి కొనుగోలుపధకంలో రైతులను పక్కకు నెట్టి పచ్చ చొక్కాలు తెచ్చిన తాలు, తప్పతో గిడ్డంగులు నింపటం, అబ్బో ఏమని చెప్పుదు మీ పచ్చ బ్యాచ్ తంతు. ఇలాంటి అనేక చేత పథకాలతో రైతులను చిత్తు చేసిన మిమ్మల్ని పుట్టింటికి పంపాలా వద్ధా ?  

33. ఆరోగ్యశ్రీ, 104, 108 పదకాలతో ఆంధ్రరాష్ట్ర ప్రజల మనసు దోసుకొని, దేశ  విదేశాల్లో కూడా గొప్ప మానవతా వాదిగా  పేరు తెచుకొన్న  వ్యక్తి వైస్సార్ గారు. అట్టి ప్రపంచ స్థాయి గుర్తింపు పొందిన పథకాలను కేవలం కుళ్ళు బుద్దితో నిర్వీర్యం చేయడం మీకే చెల్లు. ఆస్పత్రుల ఆధునీకరణ, పరిశుభ్రత నెపంతో చెత్త  పరికరాలు తెప్పించి, ఎలుకలు, పందికొక్కులు , ఆఖరికి దోమలను కూడా వదలకుండా వేల కోట్లు  మేసే కార్యక్రమానికి తేర  దించారు. డాక్టర్స్ ,ఇతర సిబ్బంది ,  మీరు  సృష్టించిన ఈ వ్యవస్థను ఆసరాగా తీసుకొని,  విధులకు రాకున్నా ఏమిచేయలేని స్థితికి మన ఆరోగ్యాన్ని తీసుకెళ్లిన ఘనత మీదే?

జగన్ గారు సుదీర్గ  పాదయాత్రలో ప్రజారోగ్యంపై పూర్తి అవగాహనతో,  ఆరోగ్యశ్రీ ని పూర్తి స్థాయిలో అర్హులైన అందరికి అందుబాటులోకి తీసుకురావాలనుకోవడం, ప్రతి జిల్లాలో, ప్రతి ITDA పరిధిలో  ఒక సూపర్ స్పెసాలిటీ  హాస్పిటల్ పెట్టాలనుకోవడం, ప్రభుత్వ ఆస్పత్రులను బలపరచి ఆరోగ్యశ్రీకి అనుసంధానం చేయడం, ప్రభుత్వ డాక్టర్ల ఇమేజ్ పెంచడం లాంటి వినూత్న పథకాలు తేవాలనే సంకల్పం కచ్చితంగా  హర్షణీయం. అంతే కాకుండా PHCలను, కమ్యూనిటీ హెల్త్ సెంట్రళ్లతో అనుసంధానం చేయడం, గ్రామ  సచివాలయాలద్వారా మంచి నీరు, వేస్ట్ మేనెజ్మెంట్ ద్వారా పరిశుభ్రత పెంచి  ప్రివెంటివ్ హెల్త్ కేర్ వ్యవస్థను పటిష్టం చేయాలనే ఆలోచన రాజన్న బిడ్డకు కాక ఇంకెవరికి వస్తుంది.

  ఆరోగ్య వ్యవస్థను, ప్రైవేట్ రంగానికి దాసోహం చేసి పేదలపొట్టకొట్టిన మిమ్మల్ని నమ్మాలా లేక మీరు సర్వనాశనం చేసిన రాజన్న సృష్టించి, అమలు చేసి పేదల మనసులు దోసుకున్న ఆరోగ్య వ్యవస్థను  పటిష్టం చేయడానికి కంకణం కట్టుకొన్న జగన్ గారిని నమ్మాలా?   మిమ్ము అసలు నమ్మం బాబు.

34. గాంధీజీ కలలు కన్న గ్రామ స్వరాజం సాధించే దిశగా, దేశంలోనే మొట్టమొదటి  పంచాయతీరాజ్ బ్లాక్  వ్యవస్థకి శ్రీకారం చుట్టి, అదే విధంగా వినోభా బావే  గారి భూదాన్ ఉద్యమానికి దేశంలోనే తోలి భూదాన్ చేసిన గడ్డగా ఆంధ్ర ప్రదేశ్ కు ప్రత్యేక స్థానం ఎప్పుడూ ఉంది. బాధ్యతాయుతమైన నాయకత్వంతో సమర్థవంతంగా నడుస్తున్న గ్రామీణ వ్యవస్థను తమ రాజకీయ ప్రయోజనాలకోసం బలిచేయటం తెలుగు దేశం వారికే చెల్లు. కాలక్రమేణా ఈ వ్యవస్థ MLAల చేతికి, అనధికార జన్మభూమి, ఇతర కమిటీల చేతికి వెళ్లి, అధికారులను వీరి చేతిలో రబ్బర్ స్టాంపులను చేసే వ్యవస్థగా మారిందంటే  మన రాష్ట్రములో పాలన ఏ విధంగా గాడి తిప్పిందో వేరే చెప్పనవసరం లేదు. , ప్రస్తుతం  బాబు గారి పాలన లో అధికారులను కొట్టినా , అధికారుల ముసుగులో కోట్లు దోసుకున్నా ఎటువంటి చర్యలు తీసుకోక పోగా, పైగా అధికారులే అధికారపార్టీ తొత్తులుగా వ్యవహరిస్తూ వారికి దాసోహం అవడం, ప్రజా స్వామ్యానికి గొడ్డలి పెట్టు.

పాదయాత్ర ద్వారా పంచాయతీరాజ్ వ్యవస్థ ప్రస్తుత పరిస్థితులు పూర్తిగా అవగాహన చేసుకున్న జగన్ గారు, ప్రజా సమస్యల శీఘ్ర  పరిష్కా రానికి  అధికార వికేంద్రీకరణే సరైన ఆయుధంగా భావించి, గ్రామ  సచివాలయం అనే  అతి చక్కని కార్యక్రమాన్ని ముందుకు తీసుకురావటం ఎంతో అభినందనీయం. అదేవిధంగా రాష్ట్రంలోని అన్ని ప్రాంతాలు సమాన అభివృద్ధి చెందాలి అనే ఉదేశ్యంతో అధికార మెరుపు నిధుల వికేంద్రీకరణ, స్థానికులకు అవకాశాలు కల్పించడం లాంటి గొప్ప ఆలోచనలు రాజన్న బిడ్డకి కాక  ఇంకెవరికి వస్తాయి .  

కేంద్ర ప్రభుత్వం కూడా పంచాయతీల ద్వారా అధికార వికేంద్రీకరణకు పెద్ద పీత వేయడం, జగన్ గారు దానిని సమర్ధనీయంగా వాడుకొనే విధంగా వ్యూహాలు రచించడం  చూస్తే  గాంధీజీ కలలు కన్న గ్రామ స్వరాజం ఏంతో దూరం లేదనిపిస్తుంది. జగన్ గారికి జై కొడదాం - ఈ చక్కని ఆలోచనకు జన్మనిద్దాం.

35. అతి తక్కువ ఖర్చుతో చేయవచ్చు అని సుభాష్ పాలేకర్ గారు చెప్పిన ప్రకృతి వ్యవసాయాన్ని, అతి ఎక్కువ బడ్జెట్ అవసరము ఉన్న కార్యక్రమంగా పెంచి అంతర్జాతీయ  సంస్ధల నుండి 18500  కోట్ల అప్పు తేవడానికి ప్రణాళికలు రచించి ప్రయత్నాలు మొదలు పెట్టి రాష్ట్రాన్ని అతి పెద్ద ఋణభారణానికి గురిచెయ్యాలి అనే  మీ సంకల్పం పై మాకెందుకుండాలి భరోసా?

35.  గత 30 ఏళ్లుగా ప్రభుత్వ సంస్థలు, స్వసంధ సంస్థలు , ఎయిడ్ ఏజెన్సీస్ ఎంతొ  కష్టపడినా ప్రపంచ వ్యాప్తముగా 1% కి మించని ప్రకృతి సేద్యం, ఆంధ్ర ప్రదేశ్ రాష్ట్రంలో ఒక్క  యెడాదిలోనే 8% కి పెంచి ప్రపంచము లోనే అతిపెద్ద విజయంగా ప్రచారము చేసి రాష్ట్రాన్ని నవ్వులపాలు చేసిన మీ ఘనాపాటి విజయాలపై మాకెందుకుండాలి భరోసా?

36.  మండలస్థాయి అధికారులను కూడా వీడియో కాన్ఫరెన్సుల పేరుతొ హించించి, క్షేత్రస్థాయిలో వ్యవస్థలను నీర్విన్యం చేసి ప్రజావసరాలను గాలికి వదిలేసిన మీపై మాకెందుకుండాలి భరోసా? 

37.  బి సి వర్గాలవారిని గంపగుత్తగా తమ వోటు బ్యాంకుగా భావించి, వారికి మంచి  అవకాశాలు కల్పిస్తే ఎక్కడ వ్యవసాయ, వ్యాపార రంగాలలో రాణించి  తమకే పోటీ అవ్వుతారు అనే ఉద్దేశంతో బీసీ వర్గాలను   కులవృత్తులకే అంకితంకండి అని మంగలి కత్తులు, కల్లు  గీతపనిముట్లు , చాకలి పనిముట్లు, కుట్టుమిషిన్లు  తదితర కులవృత్తి పరికరాలు, అవికూడా నాసిరకం అధిక ధరలకు కొనినట్టు చూపించి కోట్లు దండుకున్న వ్యవస్థకు మకుటంలేని మహారాజువి అయిన మిమ్మల్ని ఏ విధంగా సత్కరించాలి. గతంలో వైస్సార్ గారు బీసీలను ఫీజు రీఇంబర్శ్మెంట్ , ఆరోగ్యశ్రీ మరియు వ్యవసాయరంగ కార్యక్రమాలతో వారి సామజికస్థాయి పెంచినా కూడా మీరు పాత పద్ధతులే అవలంబించి బీసీలు కులవృత్తులలోనే ఉండాలి , బీసీలలోకూడా తెలివైనవారు వున్నారు అని బీసీలను కించపరిచే విధంగా మాట్లాడే మిమ్మల్ని ముఖ్యముగా బీసీలు మరియు ఇతరులు ఎలా నమ్మాలి ?   

38.   మీరు, మీ దగ్గరి  కుటుంబాలు ఒక్కరు లేదా ఇద్దరు పిల్లలతో సరిపెట్టుకొని, తమ ఆర్థిక వ్యాపార సామ్రాజ్యలను విస్తారపరచుకోవాలి. మీ   అవసరాలను అంటే డ్రైవర్స్, పనిమనుషులు, సెక్యూరిటీ ఇలా మీ అవసరాలు తక్కువ జీతాలతో తీర్చగలిగి , మీ  కనుసన్నలలో మెలిగి తమ  రాజకీయ అవసరాలు కూడా తీర్చగలిగే వ్యవస్థను పటిష్టం చేయడానికి మీకు మంది  కావాలి.  ఆర్ధికముగా వెనుక బడిన వర్గాలను మీరు పిల్లలను ఎక్కువగా కనండి, నేనున్నాను తముళ్లు  నేనున్నాను చెల్లె మ్మలూ అని మీరు ఊదరకొడుతుంటే ఏమిటా ఇంత ప్రేమ అనుకున్నాం. కానీ ఇది మమల్ని మభ్యపెట్టి, పబ్బం తీర్చుకొవాలనే మీ నయవంచక ఆలోచన అని తెలిసిన తర్వాత మీ మీద మాకెందుకుంటుంది భరోసా. 

39 తమ బామ్మరిది, వారి తండ్రి గారి పాత్రలో నటించినట్లు జీవించినా, రానా దగ్గుపాటి తమ పాత్రలో జీవించినట్లు నటించినా, కథానాయకుడు, మహానాయకుడు సినిమాలు బాక్స్ ఆఫీస్ వద్ద బొక్క బోర్లా పడ్డాయంటే కారణం, అవి వాస్తవానికి భిన్నంగా ఉండటం . మీరు ఎన్నికల సమయంలో ఎంతో ఉపయోగపడతాయనుకున్న సినిమాలు అతి ఘోరంగా విఫలమై , మీ ఆశలపై నీళ్లు చల్లి మీ ఓటమికి బీజాలు వేశాయి. 1983-85 మధ్యకాలంలో టీడీపీ లో మీ స్థానం అందనంత దూరం అని ఆంధ్ర రాష్ట్ర ప్రజలందరికి తెలుసు. అయినాకూడా మీరు పచ్చ బ్యాచీని ఉద్దేశించి, తమ్ముళ్లూ ,మోడీకి మేమంటే ఏమిటో తెలియాలంటే మహానాయకుడు బొమ్మ చూడాలిసిందే అని వ్యంగ్యంగా వ్యాఖ్యానించడం మీ డొల్లతనానికి నిదర్శనం.

బాలకృష్ణగారు ఏకారణంతోనో వదిలేసిన 1985-1995 మధ్య ఎన్టీఆర్ జీవితాన్ని రాంగోపాల్ వర్మ చిత్రీకరించడం, ట్రైలర్లో చూపించిన సన్నివేశాలు, సినిమాపై అంచనాలు భారీగా పెంచాయి. ట్రైలర్ తోనే గుడ్డలుతడుపుకొన్న టీడీపీ వర్గాలు ఏవిధంగానైనా " లక్ష్మీస్ NTR " రిలీజ్ ఆపాలని చేస్తున్న ప్రయత్నాలు ,  చంద్రబాబుని విలన్ గా చూపించారు కాబట్టి సినిమా ఆపండి అని గగ్గోలు పెట్టటం, ఓటమిని ముందే ఒప్పుకొని కాడి కింద వేయ్యడం కాక ఇంకేమవుతుంది.         

BBC